لابـارك الله فـي زمــن بـهـذل الــروح
اقـبــل بـهـمـه والـظــروف اذبـحـنــي
ماكنت احسب ان الهـوى كلـه جـروح
لــيــن الـلـيـالـي بـالـهــوى عـلـمـنـي
كنـت احسبنـي بانـي امجـاد وصـروح
واثــر الـزمـن مقـفـي وانــا بالتـمـنـي
واليـوم انـا فالنـاس ياصـاح مفـضـوح
هـمـي طـوانـي والـدمــوع افضـحـنـي
لو كنت احسب ان الهوى يوم بيـروح
مـاكــان والله قـدمـكـم جـيــت اغـنــي
اثـر القـدر والحـب لـوعـات ومــزوح
يـاشـيــن مـزحـاتــه بــعــد لـوعــنــي
اعانق احزاني ولا اقـوى علـى البـوح
شيطـانـهـا يـضـحـك وقـلـبـي يــونــي
اثــر الليـالـي تـطـبـخ الـهــم ويـفــوح
مـن غيـر لاطـلـب مقسـمـي يطعمـنـي
اصبـر واعانـي وانتظـر تطلـع الـروح
والـعـن زمـانـي واتــرك الـلـي لـعـنـي
والطعـن فالكائـن بـعـد صــار مـذبـوح
يمـكـن يـحـس بطعـنـة الـلــي طـعـنـي
طاب القصيد وصاحب الصوت مبحوح
والـحــال مـبــري واللـيـالـي طــونــي
الإثنين 4 يوليو - 14:32