][§¤°~^™قصيدة جزائرية سياحية ولا أجمل(الجزء الأول) ™^~°¤§][

[ندعوك للتسجيل في المنتدى أو التعريف بنفسك لمعاينة هذه الصورة]

مرحبا بكم أحبتي الكرام

[ندعوك للتسجيل في المنتدى أو التعريف بنفسك لمعاينة هذه الصورة]

أردت اليوم ان اقدم لكم هته القصيدة الرائعة في وصف
بلاد الجزائر الكبيرة و الجميلة و هي تقريبا مفصلة تفصيل جميل و مسهب و
بسرعة نروحو للقصيد و لنا عودة :

و تقول :

يا قمري و اّدي سلامي للغربة****** ولي راه غريب مشتاق للأوطان

بلغلوا سلام ارض المحبة****** الجزائر أُمنا عز البلدان

بمدنها و بأريافها وطن الوجبة****** بغيوبها بشطوطها زينة الألوان

و إذا جيت تزورها يا مرحبا****** أهلا و سهلا بيك لبلادك مضمان

كي تدخل من حدود تونس العذبة****** ادخل ع الشطوط و امشي في الأمان

ابدأ من القالة زينة جذّابة****** و أتفرج بالعين في زين المرجان

من بعد امشي للجميلة عنابه ****** واطلع لسيرايدي و انظر للأكوان

و أتعدى لشطايبي مناسبة ****** و تعشي في سكيكدة زينة الألوان

و الطارف و القل كي جنة طيبة****** أتمتع بشطوطهم صيد و عومان

و اهبط من ثمة لجيجل في رغبة ****** و انظر لتاريخها من عهد زمان

في المنصورية أحوالك تتلبى ****** و ادخل لبجاية تعشي في لامان

تيشي بسمّاها و مّاها رحّابة ****** و بجاية تاريخ راسخ في الديوان

جوز لأزّفون شط مع غابة ****** و أعقب لتيغزيرت و لدلّس عجلان

أتمتع بشطوط دلّس و اتهبى ***** و اقصد بومرداس من ثمة نيشان

بودواو حذا عين طاية في القربى ****** و أتعافى من بعد في برج الكيفان

ادخل من بعد للجزائر اللّبة ****** زور إمام العاصمة عبد الرحمن

و بعد اطلع زور سكان القصبة **** و أنا نستناك في عين البنيان

نديك قبالة لموريتي عقبة ****** و نّديك لنادي الصنوبر اعز مكان

جبل شنوه فوقها عندو رهبة ****** و قبر الرومية مقابل أربع أركان

نقصد شرشال من بعد الركبة ****** ومن غبريني نزور آثار الرومان

قورايا وسيدي براهم في العقبة ****** زيد تنس و شّطها يجلب الإحسان

نغدا طول لمستغانم الخصبة ****** و نسمع قصة بن خلوف و مزغران

نقصدو ارزيو من بعد الغيبة*** *** و ندخلو للباهية مدينة وهران

*****************************************************

وهران وهران جايبك وهبي طربه ****** نتفكر فيك الحبيب رفيق زمان

في سيدي الحسني نلاقيو الطلبة ****** و سيدي الهواري على ملكو سلطان

لعيون الترك ياك نغدو في رحبة ****** و الأندلس بعدها جنة رضوان

و بني صاف و شّطها يجلب جلبة ****** و زيد الغزوات و انظر يا فلان

نوصل لمرسى بن مهيدي نتهبى ****** ونحييو المغاربة لينا جيران

هاذ شطوط الجزائر يا غُربة ****** ذرك نروح للمدن في كل مكان

ندخل من الشرق نصّار الغلبة ****** نبداوه من بن مهيدي مول الشآن.

و نزيد لقالمة و خراطة وجّبة ****** و نحييو أرواح الأبطال الشجعان

من خراطة نروح طول لعزابه ****** و نقصد سوق أهراس و نحيي الإخوان

و نعد ي شوور الخروب على الركبة *** *** و عين البيضاء و نزيد للونزة تعيان

و نباتو في خنشلة بعد الغيبة ****** و بير العاتر في الطريق هلالو بان

و نزيد تبسه و للعربي نجبى ****** و نطلعو لام البواقي في لامان

نرجع لزيغود يوسف بمحبة ****** و من زيغود نزور حامة بوزيان

وادي الزناتي على يمينك في الحسبة ****** و اهبط حتى لباتنة مهد الشجعان

و الأوراس عظيم تاريخ ووجّبة ****** نتفكر ثمة لجرموني فنان

نطلع من ثمة نعجل بالغصبة *** *** لقسنطينة العالية فوق الكيفان

**********************************************

طين قسنطينة يزيدك في الرغبة ****** و قصة صالح باي مشهورة من زمان

فيها بن باديس زايد و تربى ****** و سيدي راشد كاملو عز و برهان

و الميلية وزيد ميلة بالمناسبة ****** لعين مليلة يا الخو تمشي عجلان

و نصدو من الشرق للوسط برغبة ****** و لشلغوم العيد نقصد يا إنسان

نعقب للعلمة نزور الأحبة *** *** و بعد العلمة سطيف عالي ليك يبان

عين الفوارة و بمياهها عذبة *** *** سيدي الخيّر في مقامو عز و شان

فج مزالة و تيمقاد المرغوبة ****** للجميلة و زيد أتفرج بأعيان

و اعمل دارة لعين ولمان و اجبي ****** تقصد عين أزال و البرج المزيان

كي تلحق للبرج تفرح بالصبا *** *** و تفارقها للمسيلة وطن الشان

تغدا طول لعين بسام الخصبة *** *** وتعشي من بعد في صور الغزلان

تقصد باب الوسط فٌخرة و محبة *** *** و نزورو فيه المدن مكان بمكان

نبداوه من القصر على الحسبة *** *** نعقب أميزور و الجولة تزيان

نقصد سيدي يعيش نطلبو طلبة *** *** و نعديو لآقبو ننظر الالوان

في عين الحمام يطربنا طربة *** *** آسفرا و محند و محند أمقران

و بني يني و بوغني و المحبة *** *** و ما ننسى الاحباب في بني ورثيلان

و نجوزو لعزازقة عندي صحبة *** *** نشبعو من التين و الزيت و الرمان

ايعكورن جات ليهم قريبة *** *** و الاربعاء بحب الملوك الوان الوان

انظر لجبل جرجرة فيه الرهبة *** *** و تيزي وزو الباهية من بعد تبان

و امشي من ثمة بفرحة و محبة *** *** لبرج منايل زيد لذراع الميزان

///////////////////////////////////////////////////

انتظرو مني

الجزء الثاني